My title

నెగటివ్ క్యారెక్టర్ లో హీరో సుమంత్

అక్కినేని ఫ్యామిలీ నుంచి వచ్చిన హీరో సుమంత్ ఇప్పటికీ ఇండస్ట్రీ లో నిలదొక్కుకోడానికి ట్రై చేస్తున్నాడు. సుమంత్ కెరీర్ లో చెప్పాలంటే “సత్యం” సినిమా ఒక్కటే హిట్ గా చెప్పొచు.  సుమంత్ లేటెస్ట్ మూవీ, గత మూవీ అయిన “నరుడా డోనరుడా” చిత్రం కూడా ఫ్లాప్ గా నిలిచింది. ఈ చిత్రం తర్వాత కొంత గ్యాప్ తీసుకున్న హీరో సుమంత్ ఈసారి రెగ్యులర్ కమర్షియల్ సినిమాల్ని కాకుండా కథ పరంగా అలాగే పాత్ర పరంగా కొత్తదనమున్న సినిమాలని చేయాలనే ఉద్దేశ్యంతో పలు కథల్ని విని ఒక థ్రిల్లర్ కథను ఎంచుకున్నారు.

ఈ కథలో సుమంత్ పాత్రకు కొంత నెగెటివ్ షేడ్స్ ఉండనున్నాయి. రియాలిటీకి దగ్గరగా ఉంటూ, సరికొత్త బ్యాక్ డ్రాప్లో నడవనున్న ఈ సినిమాను అనిల్ శ్రీకంఠం అనే కొత్త దర్శకుడు డైరెక్ట్ చేయనున్నాడు. అనిల్ గతంలో “పిల్ల జమిందార్”  “సుకుమారుడు” “సావిత్రి” “చిత్రాంగధ” వంటి సినిమాలకు అసిస్టెంట్ డైరెక్టర్ గా పనిచేశాడు. ఇప్పటికే పలుసార్లు ఈ సినిమాకు సంబంధించి కథా చర్చలు జరిపిన సుమంత్ స్క్రిప్ట్ పట్ల చాలా కాన్ఫిడెంట్ గా ఉన్నట్లు తెలుస్తోంది. అక్టోబర్ నుంచి స్టార్ట్ అయ్యే ఈ మూవీ లో ఇంకా ఎవరెవరు నటిస్తున్నారు అనే డీటెయిల్స్ తెలియాల్సి ఉంది. ఇకపోతే సుమంత్ నటించిన లేటెస్ట్ మూవీ”‘మళ్ళీ రావా” టిసర్ రీసెంట్ గా విడుదలయింది. ఈ మూవీని నవంబర్ లో ప్రేక్షకుల ముందుకి తీసుకురావడానికి సన్నాహాలు చేస్తున్నారు మూవీ యూనిట్.