Sandeep Madhav | క్యాథరీన్ తో కొత్త సినిమా స్టార్ట్ చేశాడు
Sandeep Madhav - సందీప్ మాధవ్ పోలీసాఫీసర్ గా కొత్త సినిమా మొదలైంది. క్యాథరీన్ ఇందులో హీరోయిన్.
ఓదెల రైల్వే స్టేషన్ చిత్ర దర్శకుడు అశోక్ తేజ కొత్త సినిమా స్టార్ట్ చేశాడు. పాపులర్ హీరోయిన్ కేథరిన్, జార్జిరెడ్డి, వంగవీటి చిత్రాల హీరో సందీప్ మాధవ్ కలిసి నటిస్తున్న ఈ చిత్రాన్ని కేసీఆర్ ఫిలిమ్స్ సంస్థ నిర్మిస్తోంది. ఈరోజు అధికారికంగా ప్రారంభమైంది ఈ సినిమా.
హీరో, హీరోయిన్లలపై చిత్రీకరించిన ముహుర్తపు సన్నివేశానికి ప్రముఖ దర్శకుడు సంపత్ నంది క్లాప్ నివ్వగా, నిర్మాత సి.కల్యాణ్ స్వీచ్చాన్ చేశారు. ప్రసన్నకుమార్, జెమిని కిరణ్‌లు గౌరవ దర్శకత్వం వహించారు.
జార్జిరెడ్డి తరువాత ఎన్నో కథలు విన్న సందీప్ ఈ కథ వినగానే ఓకే చేశాడు. ఓదెల రైల్వేస్టేషన్‌కు పది రెట్లు అద్భుతంగా ఈ సినిమా ఉంటుందని అంటున్నాడు దర్శకుడు అశోక్.
ఇక హీరోయిన్ కేథరిన్ విషయానికొస్తే.. ఈ సినిమాలో స్క్రీన్ ప్లే ఆమెకు నచ్చిందంట. పైగా సరికొత్త యాక్షన్ థ్రిల్లర్ అంటోంది. అందుకే నటించడానికి అంగీకరించానని చెబుతోంది. సినిమాలో ట్విస్ట్‌లు ఎవరూ ఊహించలేరంటోంది.
ఇంకా పేరు పెట్టని ఈ మూవీలో పోలీసాఫీసర్ గా కనిపించనున్నాడు సందీప్ మాధవ్. జార్జిరెడ్డి తర్వాత తనకు ఆ స్థాయిలో గుర్తింపు తెస్తుందని నమ్ముతున్నాడు ఈ హీరో. అనూప్ రూబెన్స్ ఈ సినిమాకు సంగీత దర్శకుడు.
