Nani | మరో సినిమా ప్రకటించిన నాని

'అంటే సుందరానికీ' లాంటి కల్ట్ ఎంటర్‌టైనర్‌ని అందించిన నేచురల్ స్టార్ నాని, టాలెంటెడ్ డైరెక్టర్ వివేక్ ఆత్రేయ మరోసారి కలిశారు. కొత్త సినిమా ప్రకటించారు. కెరీర్ లో నానీకి ఇది 31వ చిత్రం. డివివి ఎంటర్‌టైన్‌మెంట్స్‌పై డివివి దానయ్య, కళ్యాణ్ దాసరి ఈ చిత్రాన్ని నిర్మించనున్నారు. ఈ చిత్రంలో నానికి జోడిగా ప్రియాంక మోహన్‌ ను హీరోయిన్ గా తీసుకున్నారు.

ఈసారి డిఫరెంట్ జోనర్ ని ట్రై చేస్తున్నారు నాని-ఆత్రేయ. దీనికి సంబంధించి చిన్న వీడియోను కూడా విడుదల చేశారు. ఈ వీడియో ఆసక్తికరంగా ఉంది. నాని కళ్లలో ఇంటెన్స్ కనిపించింది. చూస్తుంటే, నాని ఓ సరికొత్త గెటప్ లో కనిపించబోతున్నట్టుంది.

ఈసారి థ్రిల్లింగ్ ఎలిమెంట్స్ ఉంటాయని ప్రకటించారు మేకర్స్. అయితే థ్రిల్ తో పాటు ఫన్ కూడా ఉంటుందని స్పష్టం చేశారు. సినిమాను 24వ తేదీన గ్రాండ్ గా లాంచ్ చేయనున్నారు. ఈ సినిమాకు స్ట్రాంగ్ టెక్నికల్ టీమ్ పనిచేయబోతోంది. ఆ వివరాల్ని త్వరలోనే వెల్లడిస్తారు.

ప్రస్తుతం హాయ్ నాన్న సినిమా చేస్తున్నాడు నాని. ఈ సినిమా షూటింగ్ దాదాపు పూర్తయింది. ప్రస్తుతం పోస్ట్ ప్రొడక్షన్ వర్క్ లో ఉంది. ఈ మూవీ కొలిక్కి వచ్చిన వెంటనే వివేక్ ఆత్రేయ సినిమా స్టార్ట్ అవుతుంది. ఈ సినిమాలో విలన్ పాత్ర కోసం తమిళ నటుడు ఎస్ జే సూర్యను తీసుకున్నారు.