Nabha Natesh | ఎట్టకేలకు మరో అవకాశం
Nabha Natesh - నభా నటేష్ మరో అవకాశం దక్కించుకుంది. నిఖిల్ సరసన నటిస్తోంది.
'కార్తికేయ 2'తో దేశవ్యాప్తంగా పాపులారిటీ సంపాదించుకున్న నిఖిల్, ఇప్పుడు 'స్వయంభూ' అనే సినిమా చేస్తున్న సంగతి తెలిసిందే. లెజెండరీ యోధుడి పాత్రలో నిఖిల్ కనిపించబోతున్నాడు. దీని కోసం ఆయుధాలు, మార్షల్ ఆర్ట్స్ , గుర్రపు స్వారీలో ట్రైనింగ్ తీసుకున్నాడు.
భరత్ కృష్ణమాచారి దర్శకత్వం వహిస్తున్న 'స్వయంభూ' నిఖిల్ కు 20వ చిత్రం. ఠాగూర్ మధు సమర్పణలో పిక్సెల్ స్టూడియోస్‌పై భువన్ , శ్రీకర్ ఈ పాన్ ఇండియా ప్రాజెక్ట్‌ను నిర్మిస్తున్నారు.
ఈ చిత్రంలో సంయుక్త మీనన్ హీరోయిన్ గా నటిస్తోంది. ఆమె తన పాత్ర కోసం శిక్షణ కూడా తీసుకుంది. మేకర్స్ ఈరోజు మరో హీరోయిన్ పాత్రను పరిచయం చేశారు. స్వయంభూ సినిమాలో నభా నటేష్ కూడా చేరింది.
ఈ పాత్ర కోసం ఆమె అందంగా ముస్తాబైంది. ఫస్ట్ లుక్ పోస్టర్ కూడా రిలీజైంది. మేకర్స్ విడుదల చేసిన పోస్టర్‌లో, చీరతో నగలతో ఆమె యువరాణిలా కనిపిస్తోంది. దీనికి సంబంధించిన వీడియో వైరల్ అవుతోంది.
ఈ చిత్రంలో నభా నటేష్ కీలకమైన, శక్తివంతమైన పాత్రను పోషిస్తోంది. యాక్సిడెంట్ తర్వాత సినిమాలకు దూరమైన నభా నటేష్, ఇప్పుడిప్పుడే మళ్లీ నటిస్తోంది. ప్రియదర్శి సరసన ఓ సినిమా చేస్తున్న ఈ చిన్నది, ఇప్పుడు స్వయంభూ సినిమాలో కూడా నటించే అవకాశం అందుకుంది.
