Magadheera | మగధీర రీ-రిలీజ్
Magadheera - రామ్ చరణ్ కు తిరుగులేని క్రేజ్ తీసుకొచ్చిన సినిమా మగధీర. ఇప్పుడీ సినిమా మరోసారి థియేటర్లలోకి వస్తోంది.
గ్లోబల్ స్టార్ రామ్ చరణ్ పుట్టినరోజు సందర్భంగా రామ్ చరణ్ ఫ్యాన్స్ అందరికీ ఒక రోజు ముందే పండగ రాబోతుంది. తెలుగు సినిమా ఇండస్ట్రీ రికార్డులను తిరగరాసి తెలుగు వాడి ఖ్యాతిని ప్రపంచానికి చాటి చెప్పిన మగధీర సినిమా రీ-రిలీజ్ కాబోతోంది. గీతా ఆర్ట్స్ బ్యానర్ పై అల్లు అరవింద్ నిర్మించిన ఈ సినిమాను రాజమౌళి డైరక్ట్ చేశాడు.
ఈ మెగా బ్లాక్ బస్టర్ మూవీని చరణ్ పుట్టినరోజు సందర్భంగా మార్చి 26న థియేటర్లలో రీ-రిలీజ్ చేయబోతున్నారు. ఈ సందర్భంగా పంపిణీదారులు శ్రీ విజయలక్ష్మి ట్రేడర్స్ అధినేత యర్రంశెట్టి రామారావు, అరిగెల కిషోర్ బాబు మాట్లాడుతూ ఈ చిత్రాన్ని భారీ స్థాయిలో అత్యధిక థియేటర్లలో రెండు తెలుగు రాష్ట్రాల్లో రీ-రిలీజ్ చేస్తున్నట్టు ప్రకటించారు.
గతేడాది నుంచి రీ-రిలీజ్ ట్రెండ్ ఊపందుకుంది. సరిగ్గా అదే టైమ్ లో మగధీర సినిమాను రీ-రిలీజ్ చేయాలంటూ మెగాభిమానులు డిమాండ్ చేయడం స్టార్ట్ చేశారు. ఎట్టకేలకు వాళ్ల కోరిక నెరవేరింది. మగధీర సినిమా మరోసారి థియేటర్లలోకి వస్తోంది. త్వరలోనే ఈ సినిమాకు ట్రయిలర్ రిలీజ్ చేసి, అడ్వాన్స్ బుకింగ్స్ స్టార్ట్ చేస్తారు.
రాజమౌళి డైరక్ట్ చేసిన ఈ సినిమాతో రామ్ చరణ్ స్టార్ అయిపోయాడు. ఇదే మూవీతో కాజల్ కూడా ఓవర్ నైట్ స్టార్ అయిపోయింది. దివంగత శ్రీహరి ఈ సినిమాలో కీలక పాత్ర పోషించగా.. కీరవాణి సంగీతం అందించారు.
