Hari Hara Veeramallu - రెండు భాగాలుగా పవన్ సినిమా?
Hari Hara Veeramallu - పవన్ కల్యాణ్ హీరోగా నటిస్తున్న హరిహర వీరమల్లు సినిమా రెండు భాగాలుగా వచ్చే అవకాశం ఉంది.
పవన్ కల్యాణ్ హీరోగా నటిస్తున్న సినిమా హరిహర వీరమల్లు. సినిమా అయితే సెట్స్ పై ఉంది కానీ ఎప్పటికి పూర్తవుతుందనేది ఎవ్వరూ చెప్పలేరు. అంత స్లోగా సాగుతోంది షూటింగ్. ఇంకా చెప్పాలంటే, ఈ సినిమా స్టార్ట్ చేసిన తర్వాత పవన్ కల్యాణ్, 2 సినిమాలు పూర్తి చేశాడు.
హరిహర వీరమల్లు సినిమా సెట్స్ పై ఉంటుండగానే వకీల్ సాబ్, భీమ్లానాయక్ పూర్తి చేశాడు. ఆ రెండూ రిలీజ్ కూడా అయిపోయాయి. ఇంకా ఈ సినిమా సెట్స్ పైనే ఉంది. అంతలోనే వినోదాయశితం అనే రీమేక్ సినిమా షూటింగ్ కూడా పూర్తి చేశాడు.
ఇలా ఏళ్లుగా సాగుతున్న హరిహర వీరమల్లు సినిమాకు సంబంధించి దర్శకుడు క్రిష్ ఓ ఆలోచన చేశాడు. ఇప్పటికే సినిమా ఆలస్యం అవుతున్న నేపథ్యంలో.. హరిహర వీరమల్లు సినిమాను 2 భాగాలుగా రిలీజ్ చేయాలని అనుకుంటున్నాడట.
ఇప్పటివరకు జరిగిన షూటింగ్ పార్ట్ ను క్రోడీకరించి, పార్ట్-1 గా విడుదల చేయాలని భావిస్తున్నారు. ఇది రిలీజ్ అయిన తర్వాత, మెల్లగా పార్ట్-2కు సంబంధించిన షూటింగ్ స్టార్ట్ చేసుకోవచ్చనేది ఆలోచన. అయితే క్రిష్ ఆలోచన బాగానే ఉంది కానీ, ఈ ప్రతిపాదనకు పవన్ అంగీకరిస్తాడా అనేది చూడాలి.
