Hanuman-Salaar | సూపర్ హిట్ సినిమాలు వచ్చేస్తున్నాయి
Hanuman and Salaar - ఈమధ్య కాలంలో బ్లాక్ బస్టర్ హిట్టయిన సినిమాలు హనుమాన్, సలార్. ఇప్పుడీ రెండు సినిమాలు టీవీల్లోకి రాబోతున్నాయి.
థియేటర్లలో సూపర్ హిట్టయిన సినిమాల్ని మరోసారి టీవీల్లో చూసేందుకు చాలామంది ఆసక్తి చూపిస్తారు. తీరిగ్గా ఇంట్లో కూర్చొని సినిమాను ఆస్వాదించాలనుకునేవాళ్లు చాలామంది. అందుకే థియేటర్లలో హిట్టయిన సినిమాకు టీవీల్లో కూడా మంచి టీఆర్పీలు వస్తుంటాయి.
ఈ క్రమంలో మరో 2 సినిమాలు టీవీల్లోకి రాబోతున్నాయి. అవే సలార్, హనుమాన్. రీసెంట్ టైమ్ లో బ్లాక్ బస్టర్ హిట్టయిన సినిమాలివి. ఆ తర్వాత ఓటీటీలో కూడా హంగామా చేశాయి. ఇప్పుడు బుల్లితెరపై వీరంగం చేయడానికి రెడీ అవుతున్నాయి.
సలార్ సినిమా శాటిలైట్ రైట్స్ ను స్టార్ మా ఛానెల్ దక్కించుకుంది. ఈనెల 21న తొలిసారిగా ప్రసారం చేయబోతోంది. ప్రభాస్ హీరోగా నటించిన ఈ సినిమాపై భారీ అంచనాలున్నాయి. టీఆర్పీల్లో రికార్డులు సృష్టిస్తుందని భావిస్తున్నారు.
ఇక 28వ తేదీన హనుమాన్ సినిమా టెలికాస్ట్ కాబోతోంది. తేజ సజ్జా హీరోగా నటించిన ఈ సినిమా సంక్రాంతి బ్లాక్ బస్టర్ గా నిలిచింది. ఈ సినిమా శాటిలైట్ రైట్స్ ను జీ తెలుగు ఛానెల్ దక్కించుకుంది. 28న వరల్డ్ టెలివిజన్ ప్రీమియర్ గా ప్రసారం చేయబోతోంది. ఈ రెండు సినిమాలతో టీవీ రేటింగ్స్ లో సరికొత్త రికార్డులు మొదలవుతాయని భావిస్తున్నారు.
