Hanu-Man | రూ.100 కోట్ల హనుమాన్
Hanu-Man - అందరూ ఊహించినట్టుగానే హనుమాన్ సినిమా వంద కోట్ల క్లబ్ లో చేరింది. అటు ఓవర్సీస్ లో ఇది పెద్ద రికార్డ్ సృష్టించేలా ఉంది.
తేజ సజ్జ టైటిల్ రోల్‌లో నటించిన క్రియేటివ్ డైరెక్టర్ ప్రశాంత్ వర్మ సినిమాటిక్ యూనివర్స్ నుండి వచ్చిన మొదటి చిత్రం "హను-మాన్". తెలుగు రాష్ట్రాల్లోనే కాకుండా, దేశవ్యాప్తంగా ఈ సినిమా సూపర్ హిట్టయింది. అంతేకాదు, ఓవర్సీస్ లో కూడా టాప్ గ్రాసర్స్ టాప్-10 లిస్ట్ లో చేరింది. ప్రైమ్‌షో ఎంటర్‌టైన్‌మెంట్‌కు చెందిన కె నిరంజన్ రెడ్డి ప్రతిష్టాత్మకంగా ఈ చిత్రాన్ని నిర్మించారు.
సంక్రాంతి కానుకగా విడుదలైన హనుమాన్ సినిమా రోజురోజుకు తన వసూళ్లు పెంచుకుంటూ పోతోంది. చిన్న సినిమాగా వచ్చి అద్భుతాలు సృష్టిస్తోంది. ఈ చిత్రం నిజానికి అన్ని చోట్లా టాప్ ట్రెండింగ్ లో ఉంటూ ఇప్పుడు ప్రపంచవ్యాప్తంగా 100 కోట్ల గ్రాస్ మార్క్‌ను చేరుకుంది. ఈ స్కేల్ బడ్జెట్‌ సినిమా కు ఇది భారీ విజయం అనే చెప్పాలి.
"హను-మాన్" సినిమా ఓవర్సీస్ లో 3 మిలియన్ మార్క్ ని క్రాస్ చేసి అక్కడ ట్రిపుల్ బ్లాక్ బస్టర్ గా నిలిచింది. ఓవర్సీస్ లో అత్యథిక కలెక్షన్లు సాధించిన టాప్-10 తెలుగు చిత్రాల జాబితాలో చేరింది హనుమాన్. మరికొన్ని రోజుల్లో ఇది ఆదిపురుష్, సాహో సినిమాల వసూళ్లను కూడా దాటనుంది. ప్రస్తుతం నడుస్తున్న ట్రెండ్ ప్రకారం చూసుకుంటే, ఓవర్సీస్ టాప్-10లో ఐదోస్థానానికి ఈ చిత్రం ఎగబాకే అవకాశాలు పుష్కలంగా ఉన్నాయి.
