సీతారామం.. గౌతమ్ మీనన్ లుక్ రిలీజ్

క్లాస్ అండ్ సెన్సిబుల్ ఫిల్మ్ మేకర్ గౌతమ్ మీనన్, హను రాఘవపూడి దర్శకత్వంలో ప్రేక్షకుల ముందుకు రాబోతున్న 'సీతారామం' సినిమాలో నటించారు. ఇందులో మేజర్ సెల్వన్ పాత్రను పోషించారు. ఆయన పాత్రని పరిచయం చేస్తూ చిత్ర యూనిట్ విడుదల చేసిన పోస్టర్ లో సీరియస్‌గా లుక్ లో కనిపించి క్యురియాసిటీని పెంచారు. గౌతమ్ మీనన్ ఈ పాత్రకు పర్ ఫెక్ట్ ఛాయిస్ గా నిలిచారు. ఈ సందర్భంగా విడుదల చేసిన వీడియో గ్లింప్స్ మేజర్ సెల్వన్ లుక్ ని వివరంగా చూపించింది.

సినిమాలో నటీనటులందరూ కథలో కీలక భూమిక పోషించనున్నారు. దుల్కర్ సల్మాన్, మృణాల్ ఠాకూర్ జంటగా నటిస్తున్న ఈ చిత్రంలో రష్మిక, సుమంత్, తరుణ్ భాస్కర్ తదితరులు ముఖ్య పాత్రల్లో నటిస్తున్నారు. దృశ్యకావ్యంగా రూపొందుతున్న ఈ చిత్రంలో చాలా మంది ప్రముఖ నటీనటులు చూడటం ప్రేక్షకులకు కన్నులపండగ కాబోతుంది.

పాటలు, టీజర్, నటీనటుల పరిచయ వీడియోలకు అద్భుతమైన స్పందన వచ్చింది. ఈ సినిమా థియేట్రికల్ ట్రైలర్ పై భారీ ఆసక్తి నెలకొంది.

వైజయంతీ మూవీస్ సమర్పణలో స్వప్న సినిమా పతాకంపై అశ్వినీ దత్ ఈ చిత్రాన్ని భారీగా నిర్మిస్తున్నారు. పిఎస్ వినోద్ సినిమాటోగ్రఫీ అందిస్తున్న ఈ చిత్రానికి విశాల్ చంద్రశేఖర్ సంగీతం అందించారు.

తెలుగు, తమిళం, మలయాళ భాషల్లో ఏకకాలంలో రూపొందుతున్న ఈ చిత్రం ఆగస్ట్ 5న ప్రేక్షకుల ముందుకు వస్తోంది.