సెన్సార్ పూర్తి చేసుకుని రిలీజ్ కి సిద్ధంగా ఉన్న "కెఎస్100" చిత్రం..!

మోడలింగ్ స్టార్స్ సమీర్ ఖాన్, శైలజ హీరో హీరోయిన్ లుగా చంద్రశేఖరా మూవీస్ పతాకంపై వెంకట్ రెడ్డి నిర్మిస్తున్న చిత్రం “కెఎస్100”.. షేర్ దర్శకత్వం వహిస్తున్నారు.

ఇప్పటికే రిలీజ్ అయిన ఫస్ట్ లుక్ కి మంచి స్పందన రాగా, తాజాగా ఈ చిత్రం సెన్సార్ పూర్తి చేసుకుని ‘ఎ’ సర్టిఫికెట్ ని పొందింది.. ఈ సందర్భంగా చిత్ర నిర్మాత వెంకట్ రెడ్డి మాట్లాడుతూ…. “కెఎస్100 చిత్రం అన్ని పనులు పూర్తిచేసుకుంది.. ఈ నెల 21 న రిలీజ్ చేయడానికి సన్నాహాలు చేస్తున్నాం.

నేడు సెన్సార్ పూర్తి చేసుకుని ఒక్క కట్ లేకుండా “ఏ” సర్టిఫికెట్ ని పొందింది.. సినిమా లో హారర్ సన్నివేశాలు ఎక్కువగా ఉండడంతో ఈ సర్టిఫికెట్ ఇచ్చారు.. సినిమా చాలా బాగా వచ్చింది.. సినిమాలోని అంశాలను ప్రేక్షకులను తప్పకుండా ఆకట్టుకుంటుంది” అన్నారు.

చిత్ర చిత్ర దర్శకుడు మాట్లాడుతూ… ” కెఎస్100″ చిత్రం అవుట్ ఫుట్ చాలా బాగా వచ్చింది.. సెన్సార్ కూడా పూర్తి చేసుకుని ఒక్క కట్ లేకుండా “ఏ” సర్టిఫికెట్ పొందడం ఆనందంగా ఉంది.. ఈ నెల 21న సినిమా ను రిలీజ్ చేయడానికి సన్నాహాలు చేస్తున్నాం.. ఈ సినిమా ఇంతబాగా రావడానికి సహకరించిన అందరికి ధన్యవాదాలు” అన్నారు..