మజిలీ ముగిసింది.... విడుదలే ఆలస్యం

రియల్ లైఫ్ భార్యాభర్తలు నాగచైతన్య, సమంత కలిసి చేస్తున్న నాలుగో చిత్రం మజిలీ. పెళ్లి తర్వాత వీళ్లిద్దరూ కలిసి చేస్తున్న మొదటి సినిమా ఇదే కావడంతో అంచనాలు భారీగా ఉన్నాయి. శివ నిర్వాణ దర్శకత్వంలో వస్తున్న ఈ సినిమా నిన్నటితో షూటింగ్ కంప్లీట్ చేసుకుంది. ప్యాచ్ వర్క్ తో పాటు టోటల్ షూటింగ్ ను కంప్లీట్ చేసిన యూనిట్.. ఇవాళ్టి నుంచి పూర్తిస్థాయిలో పోస్ట్ ప్రొడక్షన్ వర్క్ స్టార్ట్ చేసింది.

మజిలీ సినిమాను ఏప్రిల్ 5న విడుదల చేయాలని నిర్ణయించారు. ఈ మేరకు అధికారికంగా ప్రకటన కూడా చేశారు. తాజాగా విడుదలైన టీజర్ కు మంచి రెస్పాన్స్ రావడంతో యూనిట్ హ్యాపీగా ఉంది. దీనికి తోడు ఓవర్సీస్ మినహా అన్ని ఏరియాల్లో ప్రీ-రిలీజ్ బిజినెస్ కూడా పూర్తిచేశారు. మజిలీ సినిమాను తెలుగు రాష్ట్రాల్లో 14 కోట్ల రూపాయలకు అమ్మినట్టు తెలుస్తోంది. అటు ఈ సినిమా శాటిలైట్ రైట్స్ ను జెమినీ టీవీ సంస్థ 5 కోట్ల రూపాయలకు దక్కించుకుంది. ఓవర్సీస్ కూడా పూర్తయితే సినిమా ప్రీ-రిలీజ్ బిజినెస్ పై ఓ అంచనా వస్తుంది.

నాగచైతన్య గత చిత్రం సవ్యసాచి ఫ్లాప్ అయింది. దీంతో చైతూపై ఒత్తిడి పెరిగింది. మజిలీ సినిమాతో ఎలాగైనా హిట్ కొట్టాల్సిందే. అందుకే తన ఆశలన్నీ ఈ సినిమాపైనే పెట్టుకున్నాడు నాగచైతన్య. షైన్ స్క్రీన్ బ్యానర్ పై తెరకెక్కిన ఈ సినిమాకు గోపీసుందర్ సంగీతం అందిస్తున్నాడు.