మా పాప‌పై ఏ అఘాయిత్యం జ‌ర‌గ‌లేద‌న్నా వారు విన‌లేదు...ఇదోర‌కం హింస!
మా పాపమీద ఏ అఘాయిత్యం జ‌ర‌గ‌లేదు..ఆమె బాగుంది…. అని చెబుతున్నా విన‌కుండా ఆ బాల‌ల సంర‌క్ష‌ణ అధికారులు ప‌లుర‌కాల ప‌రీక్ష‌లు చేయించి పాప‌ని హింసించారు…ఇది ఒక త‌ల్లి ఆరోప‌ణ. ఆమె పేరు సింధు (పేరు మార్చారు) . ఆమె ఇళ్ల‌లో ప‌నిచేస్తుంటుంది. త‌న నాలుగేళ్ల పాప, ప‌ద్దెనిమిదేళ్ల పాప, రెండ‌వ భ‌ర్త‌తో క‌లిసి చెన్నై, కాంచీపురం జిల్లాలోని పెరుంబాక్కంలో ఉంటోంది. అస‌లు ఏం జ‌రిగిందంటే …..గ‌త మంగ‌ళ‌వారం పెరుంబాక్కంలోని స్ల‌మ్ క్లియ‌రెన్స్ క‌మ్యునిటీ ప్రాజెక్టు అధికారికి ఒక […]
మా పాపమీద ఏ అఘాయిత్యం జ‌ర‌గ‌లేదు..ఆమె బాగుంది…. అని చెబుతున్నా విన‌కుండా ఆ బాల‌ల సంర‌క్ష‌ణ అధికారులు ప‌లుర‌కాల ప‌రీక్ష‌లు చేయించి పాప‌ని హింసించారు…ఇది ఒక త‌ల్లి ఆరోప‌ణ. ఆమె పేరు సింధు (పేరు మార్చారు) . ఆమె ఇళ్ల‌లో ప‌నిచేస్తుంటుంది. త‌న నాలుగేళ్ల పాప, ప‌ద్దెనిమిదేళ్ల పాప, రెండ‌వ భ‌ర్త‌తో క‌లిసి చెన్నై, కాంచీపురం జిల్లాలోని పెరుంబాక్కంలో ఉంటోంది.
అస‌లు ఏం జ‌రిగిందంటే …..గ‌త మంగ‌ళ‌వారం పెరుంబాక్కంలోని స్ల‌మ్ క్లియ‌రెన్స్ క‌మ్యునిటీ ప్రాజెక్టు అధికారికి ఒక బాల్‌వాడీ టీచ‌రు… ఒక పాప విష‌యంలో ఫిర్యాదు చేసింది. ఆ చిన్నారికి కాలు వాచిపోయి ఉంద‌ని ఆమె న‌డిచేందుకు ఇబ్బంది ప‌డుతోంద‌ని చెప్పింది. దాంతో ప్రాజెక్టు అధికారి ఈ విష‌యాన్ని చైల్డ్ లైన్ అధికారుల‌కు తెలిపారు. చైల్డ్ లైన్ త‌ర‌పున బాల్‌వాడీకి ఓ ఎన్‌జిఓ బృందం వ‌చ్చింది. పాప‌కి ఏమైంద‌ని త‌ల్లిదండ్రుల‌ను ప్ర‌శ్నించింది. చిన్నారిపై లైంగిక దాడి జ‌రిగి ఉంటుంద‌ని వారు అనుమానించారు.
అలాంటిదేమీ జ‌ర‌గలేద‌ని, పాప మంచం పైనుండి ప‌డిపోయింద‌ని, కాలుకి దెబ్బ‌త‌గిలి వాచింద‌ని, నొప్పి త‌గ్గ‌డానికి కాలుకి ప‌సుపు పెట్టాన‌ని త‌ల్లి చెప్పింది. కానీ వారు ఆమె మాట విన‌లేదు. ఒక ప్రాథ‌మిక వైద్య కేంద్రం కి పాప‌ని తీసుకువెళ్లారు. ఆ డాక్ట‌రు చిన్నారిపై లైంగిక‌దాడి జ‌రిగి ఉంటుంద‌ని చెప్ప‌టంతో ఎన్‌జిఓ స‌భ్యులు ఆమెని ఎగ్మోర్ లోని పిల్ల‌ల వైద్య కేంద్రానికి తీసుకువెళ్లారు. అక్క‌డ మూడురోజులు త‌మ చిన్నారిని డాక్ట‌ర్లు బాధాక‌ర‌మైన ప‌రీక్ష‌ల‌కు గురిచేశార‌ని..చివర‌కు ఏమీలేద‌ని చెప్పార‌ని సింధు క‌న్నీళ్ల‌లో చెబుతోంది. ఆసుప‌త్రి రిపోర్టు వచ్చాక చైల్డ్ లైన్ అధికారులు ఆ కేసుని కాంచీపురం చైల్డ్ వెల్‌ఫేర్ క‌మిటీ (సిడ‌బ్బ్యుసి) కి పంపారు. అక్క‌డ త‌ల్లిదండ్రులు నిర్దోషుల‌ని అధికారులు తేల్చారు.
చైల్డ్ లైన్ అధికారులు కాంచీపురం సిడ‌బ్బ్యుసి కి ముందుగా స‌మాచారం అందించాల్సి ఉండ‌గా…అలా చేయ‌లేద‌ని చైల్డ్ లైన్ ఇంకాస్త బాధ్య‌తాయుతంగా ప్ర‌వ‌ర్తించాల‌ని సిడ‌బ్బ్యుసి అధికారులు అంటున్నారు. అయితే పాప‌ని ప‌రీక్ష‌లు చేయించిన చైల్డ్‌లైన్ ఇండియా ఫౌండేష‌న్ తో క‌లిసి ప‌నిచేస్తున్న క‌మ్యునిటీ హెల్త్ ఎడ్యుకేష‌న్ సొసైటీ డైర‌క్ట‌ర్ మ‌నోర‌మ మాత్రం…చైల్డ్ లైన్‌కి క‌ట్టుక‌థ‌లు చెప్పాల్సిన ప‌నిలేద‌ని, ఇలాంట‌పుడు త‌ల్లులు విచార‌ణ‌కు స‌హ‌క‌రించాల‌ని చెబుతున్నారు.
సింధు ప్ర‌స్తుతం చైల్డ్ లైన్ అధికారుల‌మీద పోలీసుల‌కు ఫిర్యాదు చేసింది. సింధు ఇప్పుడు ఇంటికి వెళ్లాలంటే భ‌య‌ప‌డుతోంది. ఈ విష‌యం బ‌య‌ట‌కు వచ్చాక ఆమె భ‌ర్త‌పై ఇరుగుపొరుగువారు దాడి చేసి కొట్టారు. దాంతో సింధు కుటుంబం ఆమె అక్క ఇంట్లో ఉంటోంది. శుక్ర‌వారం త‌మ ఇంటికి పోలీసుల ర‌క్ష‌ణ‌తో వెళ్లారు. ఇప్పుడు ఈ ప‌రీక్ష‌లు…త‌తంగం న‌డిచాక త‌మ పరిస్థితి మ‌రింత దారుణంగా ఉంటుంద‌ని ఆమె భ‌య‌ప‌డుతోంది.
