షర్మిల నిర్ణయంపై తిరుగుబాటు సంస్థల... తిరుగుబాటు!
మణిపూర్ మానవహక్కుల నేత ఇరోమ్ చాను షర్మిల తన పదహారేళ్ల నిరాహార దీక్షను విరమించడంపై ఇతర మానవహక్కుల సంఘాలు, తిరుగుబాటు సంస్థల నాయకులు వ్యతిరేకత వ్యక్తం చేస్తున్నారు. సాయుధ దళాల ప్రత్యేక అధికారాల చట్టాన్ని రద్దు చేయాలంటూ షర్మిల 2000 సంవత్సరం నవంబరు రెండో తేదీ నుంచీ నిరవధిక నిరాహార దీక్ష చేస్తున్న సంగతి తెలిసిందే. గత నెల 26న ప్రకటించినట్టుగా షర్మిల (మంగళవారం) పశ్చిమ ఇంఫాల్ కోర్టులో హాజరయి, తన దీక్షని విరమించనున్నారు. మణిపూర్ ఉక్కుమహిళ […]
మణిపూర్ మానవహక్కుల నేత ఇరోమ్ చాను షర్మిల తన పదహారేళ్ల నిరాహార దీక్షను విరమించడంపై ఇతర మానవహక్కుల సంఘాలు, తిరుగుబాటు సంస్థల నాయకులు వ్యతిరేకత వ్యక్తం చేస్తున్నారు. సాయుధ దళాల ప్రత్యేక అధికారాల చట్టాన్ని రద్దు చేయాలంటూ షర్మిల 2000 సంవత్సరం నవంబరు రెండో తేదీ నుంచీ నిరవధిక నిరాహార దీక్ష చేస్తున్న సంగతి తెలిసిందే.
గత నెల 26న ప్రకటించినట్టుగా షర్మిల (మంగళవారం) పశ్చిమ ఇంఫాల్ కోర్టులో హాజరయి, తన దీక్షని విరమించనున్నారు. మణిపూర్ ఉక్కుమహిళ ఏం చెబుతారోనని…అందరిదృష్టి ఆమెపైనే ఉండగా, ఇంతవరకు ఆమెకు మద్ధతుగా నిలిచిన వారంతా ఆమె నిర్ణయాన్నిప్రశ్నిస్తున్నారు. షర్మిల ఆశయానికి అండగా నిలిచిన..మహిళా సంఘానికి చెందిన నగాంబి అనే కార్యకర్త …షర్మిల చేస్తున్నది ద్రోహంగా భావిస్తున్నారు. ఇంకా మరికొన్ని తిరుగుబాటు సంస్థలు, లెఫ్టిస్ట్ గ్రూపుల నాయకులు సైతం… ఆమె దీక్షని విరమించడానికి వీలులేదంటున్నారు. షర్మిలకు రాసిన ఒక బహిరంగ లేఖలో…దీక్ష విరమణకు ఇంకా సమయం రాలేదని వారు పేర్కొన్నారు. గతంలో… ప్రభుత్వంపై తిరుగుబాటుదారులుగా ఉండి మణిపూర్ అసెంబ్లీకి ఎన్నికయిన వారు హత్యలకు గురయిన విషయాన్ని వారు గుర్తు చేస్తున్నారు.
అయితే షర్మిల తాను దీక్షని విరమించి, వివాహం చేసుకోదలచానని, ఎన్నికల్లో పోటీచేయాలనుకుంటున్నానని ప్రకటించిన సంగతి తెలిసిందే. వివాహానికి సంబంధించి ఆమె వరుని పేరుని పేర్కొనకపోయినా గోవాలో జన్మించి యుకెలో ఉంటున్న…ఆమె బాయ్ప్రెండ్గా గుర్తింపు పొందిన దేశ్మాండ్ కౌంటిన్హోనే వివాహం చేసుకుంటారని భావిస్తున్నారు. కాంగ్రెస్, బిజెపి నాయకులు ఆమె రాజకీయ ప్రవేశ నిర్ణయాన్ని ఆహ్వాస్తుండగా, రాష్ట్ర బిజెపి అధ్యక్షుడు బాబానంద…షర్మిలకు పార్టీ టికెట్ లభిస్తుందా… అనే విషయం గురించి ఇప్పుడే ఏమీ చెప్పలేమన్నారు.